حلقة الماء وصنع الجلي

من طرف يا باغي الخير أقبل 2008-04-17, 6:33 pm

بالنسبه لحلقة الماء وصنع الجلي طبعا هذي تعتبر من الحلقات العمليه يعني لابد من اشتراك جميع الاطفال في صنع الجلي طبعا تبدأين حلقتك بطرح سؤال تمهيدي كمدخل للحلقه عن مثلا الأكلات اللي يفضلونها برمضان؟ حتما راح تكون احدى الاجابات الجلي بعدين وضحي لهم ان هناك اكلات لايمكن صنعها الا باستخدام الماء مثل الجلي وانه اليوم راح نتعاون ونسوي الجلي
بعدين اذا كانت اعداد اطفالك كثير تقسمينهم مجموعه عندك ومجموعه عند المساعده وتكونين مسويه لك شعار بسيط مثل دائره على بطاقه مربعه وتسوين لنصف الاطفال مثلها
وتعملين للمساعده شعار مختلف عنك وللاطفال الباقين
هالحين صار عندنامجموعتين توقف المعلمه المساعده وتطلب من الاطفال الي لابسين نفس شعارها يقومون معها ويتوجهون لأي ركن يكون مهيألهم
وانتي تجلسين بالحلقه طبعا تكونين كاتبه الخطوات على فلين مع الصور
وتبدين العمل بمشاركة الاطفال مجموعه تقيس الماء ومجموعه تذوب الجلي ومجموعه توزعه في الصحون وخلال العمل تناقشنهم كيف ذاب الجلي ؟
ولو ماعندنا ماء كيف راح نسوي الجلي؟وتبينين لهم اهمية وجود الخطوات امامهم
وتسألينهم عن التغير اللي حصل للجلي ؟وكيف راح يجمد؟ وتشجعينهم على روح االتعاون
وفي النهايه ينحط الجلي بالثلاجه ويؤكل بالوجبه
ونفس الكلام السابق تسويه المساعده مع اطفالها وتكونين انتي متفقه معها على
كل شي، ترا الكلام كثير بس تراه بسيط في التطبيق وممتع جداً.
منقول عن المعلمة منيرة من موقع:
http://forum.hawaaworld.com